شعر لسيد حجاب
واحنا فايتين علي الحدود مستمرين في الصعود اختفي النيل الجميل من تحتنا
والمدن واريف واول عمرنا وابتدا شئ ينجرح جوه الوجود وابتدينا اسئلة ملهاش ردود ميلنا علي الشباك
نخبي دمعه فرت مننا بصة من الشباك علي البحر البعيد واحنا رايحين بالامال عالم جديد كنت فاكرة يا مصر اني تعبت منك
واكتشفتي اني محال استغني عنك حته دوشة صوت جيراني والزحام وحشوني تاني كنت بفتكر بسمة حلوة لطفلة صغيرة لما
كنت بديها حتة سكرة قبل ما نسيبك وحشتينا يامصر يا امنا
كنت بتذكر وانا في غايةالاسي لعبنا كورة في حوش المدرسة والشقاوة واحنا لسة صغيرين والبرءة والصحاب الطيبين كنت بتذكر تحيةالعلم كان صوتي لسة عيالي بس عالي لما سألتني الي جنبي انت مصري ؟ دق قلبي اسمي زي السحر رفرف في المكان
زي نسمه مهفهفة بصوت الادان ايوة مصريين لاخر كل نقطة في دمنا
الوجوه من تلج وعيون من ازاز شوقي زاد للعشرة والناس العزاز
وابتديت اكتب وانا فوق السحاب وابتديت يا حبيبي في اول جواب مصر انتي حتة مني مش مجرد اسم وطني
والسلام عليكم ورحمة الله وبركاته
اهلا ومرحبا بكم في منتدانا المتواضع لمواصلة الادارة عبر omar.eslam78@yahoo.com
