انا قلبى كورة...والفراودة اكم
ياما اتنطح وانشاط..وياما اتعكم
واقول له كله حينتهى فى الميعاد
يقول بساعات؟ولا بساعت الحكم؟
عجبى
ليه يا حبيبتى ما بينا دايما سفر
ده البعد ذنب كبير لا يغتفر
لية يا حبيبتى ما بينا دايما بحور
اعدى البحور...الاقى غيره اتحفر
عجبى
سمعت نقطة ميه جوه المحيط
بتقول لنقطة ماتنزليش فى الغويط
اخاف عليكى م الغرق...قلت انا
دة اللى يخاف م الوعد يبقى عبيط
عجبى
اوصيك يا ابنى بالقمر والزهور
اوصيك بليل القاهرة المسحور
وان جيت فى بالك...اشترى عقد فل
لاى سمرا....وقبرى اوعى تزور
عجبى
يا مشرط الجراح امانة عليك
وانت ف حشايا تبص حواليك
فية نقطة سوده فى قلبى بدات تبان
شيلها كمان ....والفضل يرجع ليك
عجبى
عاد الربيع كانة بطعم الحب
والحب نار جوه العروق بتصب
اتمتع ازاى بيه وانا متقطع
من كتر خوفى لا فى الخطيئة يطب
عجبى
انا اللى بالامر المحال اغتوى...
شفت القمر نطيت لفوق بالهوا..
طلته ما طلتوش اية انا يهمنى..
ولية..مادام بالنشوة قلبى ارتوى
عجبى
كروان جريح مضروب شعاع م القمر
سقط من السموات فؤاده انكسر
جريت عليه قطة علشان تبلعة
اتارية خيال شعراء ومالهوش اثر
عجبى
كل اللى فى الخمارة صابهم جنون
صبحوا الرجال يتبادلو كاس المنون
وبدم ونبيت انكتب ع الجدار
(ياميت ندامه على قلبة حنون)
(وعجبى)
اهلا ومرحبا بكم في منتدانا المتواضع لمواصلة الادارة عبر omar.eslam78@yahoo.com
