يا ابني يا اللي اشتقت لدفا فرشتك
وعيونك الناعسة بتحضن دمعتك
قاعد وفارش للبشر خيرك
ولا حد حاسس باللي فيك غيرك
انا قلبي حاسس بيك وحاسس قهرتك
ساكن هم الدنيا فيك وياما ظلمتك!!
انا لو بايدي الامرابنيلك قصور وقصور
ماهو حرام العمر تعيشه كدا مكسور
انا كاره تكون زيي تدوق مرار ذلي
وتدور في ساقية تروي اراضي لكن بور
انا لو بايدي الامر احضنك برموشي
حضنت قبلك ناس اصلا مايستاهلوشي
لكن شايفني فيك وحاسس باللي فيك
خنقاك دموع عينيك وعينيك ماناموشي
باتمنى من قلبي تقوم واقعد مكانك
اشتاقت شفتك لبسمتك وكلامك
وحشتها ضحكتك .. !!
واشتاقت فرشتك للمستك ومنامك !!
......