لوعة المشتآق
تجيني طيف يا عمري على جنحان شـــــوقي لك
أخاف أرمش من عيوني و أبعثر صورة وصالك
حبيبي لا تجيني قول وين أنت و أنـــــــــــا أجيلك
أبيك تقول وين أنت وعلى عيـــــوني أنا أسعالك
وربي فوق روس الشوك لخلي القلب يمشي لك
وأخلي ظلالي يــــــــسبقني قبل يحضني منزالك
ثواني بس أبي أتهندم من عـــيونك و أبي هديلك
في عينك ضحــــــكتٍ حتى تكحــــل عين عـــذالك
يقول الناس في غيابي تشب القلب ويضـــوي لك
حنيني ومن وهج شوقه يميل القلب لـ أمـــــــالك
قضى دمعي من عيوني أبي من عينك أبكـــي لك
أبنثر من ورا عيوني دموع عيون ترحــــــــــالك
وحتى الشوق من صبح الدرايش قام يهــــدي لك
عصافير الرضــــــــــــــا ترفر على بيبان مدخالك
هنا ترمي صــــــــباح الخير قبل تروح وأدعي لك
وهنا تضوي مساء الخير في عيني من هـــــلالك
أنا من الليل يقطــــــــفني شعوري لك و أغني لك
أنا من الصبح يليلني الحزن من لون موالــــــــك
حرام الليل ماهو ليل إذا مــــــــــــــا كنت في ليلك
وحـرام الصبح ماهو صبح إذا ما كانت في ظلالك
تروح و قلت أحط عمري على كفي و أنـــــــاديلك
نزعت الــــعمر من شفت الغلا في الروح نادا لك
بــــــربك قول وش سوى الفراق في وجه منديلك
تسيل ألوان طـــيفي فيه أليا من البكى ســــــــالك
حبيبي لا يبكيك الفـــــــــــــــــــــــراق ولايهد حيلك
أخاف الدمع من عينك يجفف صورتي في بالــــك
تعال أحتــــاج أسولف لك عن الأيام و أشكي لك
وأفض غيم الحزن و أنثر حنين الشوق بقــــبالك
تعال وحط في قلبي هموم الفرقـــــــــــــا وأشيلك
لان القلب ماهو قلب إذا في نبضه ما شالــــــــك
قضى دمعي من عيوني أبي من عينك أبكــــــيلك
أخاف أبكي على طيفك و أبعثر جيت وصــــــالك . . .
اهلا ومرحبا بكم في منتدانا المتواضع لمواصلة الادارة عبر omar.eslam78@yahoo.com
